"Челси" ҳужумчиси Николас Жексон Англиядаги дебют мавсуми ҳақида ўз фикрлари билан ўртоқлашди.

“Кўклар” сенегаллик футболчини ўтган ёзда Испаниянинг “Вильярреал” клубидан сотиб олганди. Лондон клубидаги илк мавсумида форвард барча мусобақаларда 44 учрашувда 17 та гол урди.

"Челси"даги биринчи мавсум ҳар қандай ҳужумчи учун осон эмас. Мен урган 17 та голдан унчалик мамнун эмасман, чунки менда ҳеч қандай жароҳат йўқ эди. Аммо бу нормал ҳолат, ҳаммаси яхши кетмоқда, энди мен давом этмоқчиман ва ажойиб натижаларга эришмоқчиман”, - деди 23 ёшли футболчи клуб билан шартномасини узайтирганидан кейин “Челси” расмий сайтига берган интервюсида.

Эслатиб ўтамиз, Николас Жексоннинг янги шартномаси 2033 йилгача мўлжалланган.