"Барселона" спорт директори Декунинг фикрича, ҳужумчи Ансу Фати ҳали ҳам кўп нарсага эриша олади.
Фати ҳозир 21 ёшда, у ўтган мавсумни Англиянинг "Брайтон" клубида ўтказди ва у ерда ўзини кўрсата олмади. Футболчи жорий мавсум бошланишидан олдин яна жароҳат олди, аммо энди майдонга қайтишга яқин турибди.
"Ансу бизнинг футболчиларимиздан бири. Биз унинг қайтиб келганидан хурсандмиз. У жароҳатлар туфайли жуда кўп азоб чекди, лекин у эндигина 21 ёшда ва уни бутун фаолияти олдинда. У биз билган, "Барса"да порлаган Ансу Фати бўлиш учун ҳали ҳам яхши имкониятга эга. Шунинг учун биз унинг бу ерда эканлигидан хурсандмиз", деди Деку.
