Криштиану Роналду “Ан-Наср” сафида 8 учрашувда 7 та гол урди.
39 ёшли ҳужумчи кетма-кет учта ўйинда рақиблар дарвозасига йўл топди.
Кеча португалиялик футболчи Осиё Чемпионлар Лигаси доирасидаги “Ар-Раян”га қарши ўйинда (2:1) ғалаба тўпини киритган бўлса, бунгача чемпионат доирасидаги “Ал-Ваҳда”га қарши ўйинда (2:0) пенальтини аниқ амалга оширганди.
Роналду мураббий қарори билан Саудия Арабистони Қирол кубоги 1/16 финалида “Ал-Хазем” билан ўйинни ўтказиб юборди ва унга дам берилди.
Бунгача ҳужумчи Саудия лигаси доирасидаги “Ал-Иттифоқ”га (3:0) пенальтидан гол урганди.
