Португалиялик ҳужумчи Криштиану Роналду “Ан-Наср”нинг Саудия Арабистони Про-лигасининг 6-турида “Ал-Ороба” билан ўйиндаги ғалабасига (3:0) ҳамда тарихий муваффақиятига муносабат билдирди.
Эслатиб ўтамиз, ушбу ўйиндаги голи эвазига Криштиану бутун фаолияти давомида 600 та турли учрашувда энг юқори савияда гол урган футбол тарихидаги биринчи футболчига айланди.
"Биз тўхтамаймиз. Биргаликда!" - деб ёзди Роналду ижтимоий тармоқлардан биридаги саҳифасида.
"Ан-Наср" олти ўйиндан сўнг Саудия чемпионати турнир жадвалида 14 очко билан учинчи ўринда бормоқда. “Ал-Ороба” худди шундай ўйинлардан сўнг 7 очко жамғариб, 12-ўринда бормоқда.
