"Ливерпул"нинг нидерландиялик ҳимоячиси Виржил ван Дейк Арне Слот жамоаси учун мавсум муваффақиятли бошлангани ҳақида гапирди.
Мерсисайдликлар Премьер-лигадаги дастлабки 7 ўйинда 18 очко тўплашди ва турнир жадвалида пешқадамлик қилмоқда.
"Ҳали қиладиган ишларимиз бор, лекин ҳар қандай ҳолатда ҳам бу яхши бошланиш. Ўйлайманки, биз натижалардан хурсанд бўламиз. Мавсум узоқ бўлади, олдинда кўплаб ўйинлар бор. Биз ҳали янги мураббийнинг талабларига кўникяпмиз, аммо ўйинимиздаги ўзгаришлар жуда катта деб айта олмайман. Арне Слотнинг ўз тамойиллари ва ўз ғоялари борлиги аниқ, аммо биз буни ўрганмоқдамиз ва мослашяпмиз. Биз қаттиқ ишлашда ва совуққонликни сақлашда давом этишимиз керак", - дея ван Дейкнинг сўзларини келтиради "Ливерпуль" расмий сайти.
