РПЛда пешқадам бўлиб турган учта жамоа ўн иккинчи тур ўйинларини ўтказди.

“Краснодар” шанба куни меҳмонда “Спартак”ни хотиржамлик билан 3:0 ҳисобида мағлуб этди. Параллел кечган баҳсда “Локомотив” сенсацион тарзда меҳмонда “Химки”га 0:2 ҳисобида имкониятни бой берди.

“Зенит” эса бир кун аввал “Акрон”ни меҳмонда 5:0 ҳисобида мағлуб этганди.

Натижада “Локомотив” турнир жадвалида иккинчи ўриндан учинчи ўринга тушиб кетди – жамоа ҳисобида 27 очко бор. “Зенит” 29 очко билан иккинчи ўринга кўтарилиб олди. “Краснодар” эса 30 очко жамғарган ҳолда пешқадамлик қилмоқда.

Айтиш жоизки, “Краснодар” ушбу Россия чемпионатида бирор марта ҳам мағлуб бўлмаган (тўққиз ғалаба ва учта дуранг).