"Манчестер Сити" бош мураббийи Пеп Гвардиола португалиялик мутахассис Рубен Аморимнинг "Манчестер Юнайтед"ни бошқариши ҳақидаги хабарга муносабат билдирди.
"Юнайтедга, Англияга хуш келибсиз. Мен уни табриклайман. Мен ҳамкасбларга маслаҳат берадиган одам эмасман. "Юнайтед"да нималар бўлаётгани ҳақида маълумот алмашиши мумкин бўлган кўп одамлар бор", - дейди Гвардиола.
Аморим жамоа билан 11 ноябрдан иш бошлайди. 39 ёшли мутахассиснинг "Манчестер Юнайтед" билан шартномаси 2027 йилнинг июнига қадар мўлжалланган бўлиб, яна бир мавсумга узайтирилиши мумкин.
