Мюнхеннинг «Бавария» клуби Германия чемпионлигини яна бир қўлга киритди. Футболчилар чемпионликни одат бўйича стадионда қолиб нишонлашди.
Европада футболчилар чемпионликни пиво билан нишонлашларидан хабарингиз бор. «Бавария» футболчилари шу номли пиво билан навбатдаги кубокни нишонлашди. Байрам аввалида Франк Рибери мусулмон бўлгани учун жамоадошларидан уни алкогол ичимликларга яқинлаштирмасликларини сўраган эди, лекин маст бўлган футболчилар Риберининг диний эътиқодини ҳурмат қилишмади ва унга пиво сепишди.
Рибери айниқса Жером Боатенгдан хафа бўлди ва унга қарата қўпол сўзларни ишлатишга мажбур бўлди.
«Боатенгга бошқа гапирмайман. У менинг мусулмонлигимни биларди. Шундай бўлишига қарамай, яхши иш қилмади»,- дейди Рибери.
