Ярим ҳимоячи Бруну Фернандеш якшанба куни "Манчестер Юнайтед" сафидаги 250-учрашувини ўтказди. “Қизил иблислар” “Лестер”ни 3:0 ҳисобида мағлуб этишди ва Фернандеш гол урди ва голли узатмани амалга оширди.
Opta хабарига кўра, Фернандеш Англия Премьер-лигасидаги 100-голли ҳаракатини амалга оширди. Бунга эришиш учун португалияликка 170 та ўйин керак эди. Таққослаш учун, Криштиану Роналду ўзининг 169-учрашувида худди шундай натижага эришган.
Айни вақтда "Манчестер Юнайтед" Англия чемпионати турнир жадвалида 13-ўринда бормоқда. Жамоа навбатдаги ўйинни 24 ноябрь куни меҳмонда "Ипсвич"га қарши ўтказади.
