"Манчестер Сити" "Реал"нинг уругвайлик ярим ҳимоячиси Федерико Вальверденинг трансферига қизиқиш билдирмоқда. Бу ҳақда CaughtOffside хабар бермоқда.
Англиянинг амалдаги чемпиони жароҳат олган Родрини алмаштирмоқчи ва қишки трансфер ойнасида Мадрид клуби етакчиси учун тахминан 70 миллион евро тўлашга тайёр. Қайд этилишича, испан гранди футболчини қўйиб юбориш ниятида эмас. Уругвайлик ва "Лос-Бланкос" ўртасидаги меҳнат шартномасида 1 миллиард еврога сотиб олиш опсияси бўйича банд бор.
Федерико Вальверде "Реал" сафида 275 та ўйин ўтказган. Уларда у 24 та гол урди ва 25 та голли узатмани амалга оширди. Transfermarkt ярим ҳимоячини 130 миллион еврога баҳоламоқда.
