"Милан" ҳужумчиси Рафаэль Леау бош мураббий Пауло Фонсека билан муносабатлари ҳақида гапирди.

"Бу мавсум давомида содир бўлиши мумкин. У менга қарши бўлмагани каби мен ҳам мураббийга қарши эмасман. Ҳаммаси жойида. Албатта, мен захирада ўтиришни ёқтирмайман, лекин у қарор қабул қилади ва мен ўйинчи сифатида уларни ҳурмат қилишим керак. Майдонда эканман, жамоага ёрдам бериш учун қўлимдан келган ҳамма нарсани қилишга ҳаракат қиламан", - деди Леау.

Португалиялик футболчи ушбу мавсумда "россонерилар" сафида 14 та ўйинда майдонга тушиб, 3 та гол ва 5 та голли узатмага муаллифлик қилган.