Бразилия терма жамоаси ЖЧ-2026 саралаш баҳсида Венесуэлани мағлуб эта олмади, "пентакампеонлар" сафида ягона гол биринчи бўлим охирида рақиб дарвозасини ишғол қилган Рафинья Диас томонидан киритилди.
62-дақиқада Винисиус Жуниор бразилияликларни ҳисобда олдинга олиб чиқиш имкониятига эга бўлди, аммо пенальтини голга айлантира олмади. Қолган вақтларда томошабинлар гол кўришмади – 1:1.
Мадриднинг “Реал” клуби футболчиси ЖЧ-2026 саралаш босқичида 6 та ўйинда бирорта ҳам гол ура олмади. Унинг ҳисобида фақат битта голли узатма бор. Бразилия терма жамоасининг саралаш турниридаги энг яхши тўпурари – Рафинья тўртта гол ва битта голли узатма муаллифига айланди.
