Саудия Арабистонининг бир нечта клублари легионерларга маош бермаяпти.
Журналист Ромен Молинанинг хабар беришича, гап "Ал-Оруба," "Ал-Ҳолуд," иккинчи дивизионнинг "Ал-Сафа" ва бошқа клублар ҳақида кетмоқда.
Манбага кўра, бир қатор хорижлик футболчилар иш ташлаш ёки ФИФАга шикоят қилиш имкониятини кўриб чиқмоқда.
10 турдан сўнг "Ал-Оруба" Саудия Арабистони чемпионатида 13-ўринни, "Ал-Ҳолуд" эса 15-ўринни эгаллаб турибди.
"Ал-Оруба"да "Барселона"нинг собиқ хавбеки Кристиан Тельо, "Ал-Ҳолуд"да эса "каталонияликларнинг собиқ ярим ҳимоячиси Алекс Кольядо ўйнайди.
