"Манчестер Юнайтед" ва "Эвертон" клубларининг собиқ дарвозабони Тим Ховард америкалик ярим ҳимоячи Кристиан Пулишичнинг Ямайка дарвозасига урган голини Дональд Трамп тез-тез ижро этадиган рақс билан нишонлаганидан норози.
"Мана менинг шахсий фикрим: Дональд Трампга ўхшаб рақсга тушишдан фойда йўқ. Нега? Чунки у АҚШ президентими ёки кўчадаги қўшнимми, мен ҳеч қачон ирқчи деб ўйлаган одамни қўллаб-қувватламайман. Мен буни улуғламайман.
Агар кимдир тескари фикрга эга бўлса, унда муаммо йўқ. Аммо агар сиз сиёсий баёнот бермоқчи бўлсангиз, уни қўллаб-қувватлаш учун дадил бўлинг. Жим бўлманг ва Кристиан Пулишичга ўхшаб ўзингизни айбсиз қилиб кўрсатинг" - деди Ховард Daily Mail билан суҳбатда.
