Жорий Осиё чемпионлар лигасида аллақачон бешта тур ўйналди. Уларнинг натижаларига кўра, тўпурарлар пойгасида турнир пешқадами Жанубий Кореянинг “Кванджу” клубининг албаниялик вингери – Ясир Асани бўлиб турибди. 29 ёшли футболчи аллақачон 7 та гол уришга муваффақ бўлди.
Айтиш жоизки, Чемпионлар лигасининг асосий юлдузи ҳисобида тўртта гол бор. Гап, албатта, Саудиянинг “Ан-Наср” жамоасининг 39 ёшли португалиялик ҳужумчиси Криштиану Роналду ҳақида кетмоқда.
2-4 декабрь кунлари Чемпионлар лигаси умумий босқичининг навбатдаги тур ўйинлари бўлиб ўтиши режалаштирилган.
