"Манчестер Юнайтед" Виктор Дьокереш трансфери устида иш бошлади.
Манкунианликлар ёзги мавсумда "Спортинг" ҳужумчисининг трансфери бўйича музокараларни бошлашди, деб хабар беради Sky Sport журналисти Флориан Плеттенберг. 26 ёшли шведни қўлга киритиш учун инглизлар бир нечта сотувларни амалга оширишлари керак бўлади.
"Манчестер Сити" ҳам сўнгги кунларда саъй-ҳаракатларини кучайтирди. Келгуси мавсумда "Сити" спорт директори бўладиган ва ҳозирда "Спортинг"да худди шундай лавозимда ишлаётган Уго Виана трансфер устида фаол ишламоқда.
Португалия чемпионатининг жорий мавсумида Дьёкереш 12 та ўйин ўтказиб, 16 та гол урган.
