Афсонавий бразилиялик собиқ ҳужумчи Роналдо "Палмейрас" вингери Эстевао Виллиан ҳақидаги фикрлари билан ўртоқлашди.
17 ёшли футболчи келаси йил ўрталарида Лондоннинг "Челси" клубига ўтади. Ҳозирги Бразилия А Сериясида вундеркинд 30 учрашувда 13 та гол ва 9 та голли узатмани амалга оширган.
"У жуда истеъдодли, бироз Ламин Ямалга ўхшайди. Виллиан тез орада катта футбол юлдузига айланади. У жуда истиқболли, у эндигина 17 ёшда. Ўйлайманки, у ёзда клублар ўртасидаги жаҳон чемпионатида "Палмейрас" сафида ўйнайди, кейин эса "Челси"га ўтади", — дея Роналдонинг сўзларини келтиради журналист Бен Жейкобс.
