"Ан-Наср" ҳужумчиси Криштиану Роналду клубдаги 80-голини нишонлади.
Португалиялик Саудия Арабистони чемпионатининг 13-тури доирасидаги ўйинда "Ал-Иттиҳод" дарвозасини ишғол қилди, аммо жамоасига мағлубиятдан қутулиб қолишга ёрдам бера олмади – 1:2. Ҳозирда Роналдуда барча турнирларда "Ан-Наср"да урилган 80 та гол бор - юлдуз форвард бу кўрсаткичга эришиш учун бор-йўғи 89 та ўйин ўтказиши керак эди.
Криштиану Роналду Саудия Арабистони лигасининг тўпурарлари рейтингида Карим Бензема билан иккинчи ўринни эгаллаб турибди - иккаласи ҳам ўн мартадан гол урган. "Ал-Ҳилол"дан фақат Александр Митрович собиқ "Реал" футболчиларидан юқорида – унинг ҳисобида 12 та гол бор.
