ФИФА 2024 йил охиригача Москванинг ЦСКА клубига янги футболчиларни рўйхатдан ўтказишга қўйилган тақиқни бекор қилади. Бу ҳақда First Sport телеграм канали хабар берди.

Аввалроқ, Нидерландиянинг “Ҳеренвен” клуби олдидаги трансфер қарзи туфайли ЦСКАга янги футболчиларни рўйхатдан ўтказиш тақиқланган эди. Қайд этилишича, яқин ҳафталарда "Херенвен" Нидерландия ҳукумати билан ҳужумчи Чидера Эжуке учун 3,1 миллион евролик қарз бўйича якуний тўловни олиш схемасини келишиб олиши керак, шундан сўнг ФИФА тақиқни автоматик равишда бекор қилади.

Шу тариқа, ЦСКА 2025 йилнинг 23 январидан 21 февралигача очиқ бўлган Россия Премьер-лигасининг қишки трансфер ойнасида янги келганларни рўйхатдан ўтказиши мумкин бўлади.