"Бавария"нинг чап қанот ҳимоячиси Альфонсо Дэвис "Реал"нинг трансфер мақсади бўлиб қолмоқда.
"Қаймоқранглилар" узоқ вақтдан бери канадалик футболчи учун асосий даъвогарлар ҳисобланиб келишган, бироқ сўнгги пайтларда у Англия клублари - "Манчестер Юнайтед", "Ливерпуль" ва "Арсенал"га ўтишга кўпроқ қизиқиш билдирмоқда. Relevo хабарига кўра, Мадриднинг "Реал" клуби ҳали ҳам Дэвисни ўз сафига жалб қилишга ва уни сотиб олиш устида ишлашда давом этишга умид қилмоқда. 24 ёшли футболчи агар "Бавария" билан амалдаги шартномасини узайтирмаса, жорий мавсум якунланганидан кейин эркин агент сифатида бошқа жамоага ўтиши мумкин бўлади.
Альфонсо Дэвис мюнхенликлар сафида бу мавсумда 21 та ўйинда майдонга тушиб, 1 та гол ва 3 та голли узатмага муаллифлик қилган.
