Мадриднинг "Реал" клуби "Милан"да ўйнаётган 27 ёшли чап қанот ҳимоячиси Тео Эрнандесни жамоага қайтариш вариантини кўриб чиқмоқда. Бу ҳақда TEAMtalk хабар бермоқда.

Манбага кўра, "лос-бланкос" дастлаб "Бавария"нинг чап қанот ҳимоячиси Альфонсо Дэвисни ушбу позицияни мустаҳкамлаш учун асосий трансфер мақсади сифатида кўришган, аммо Мюнхен клуби футболчини жамоада сақлаб қолиш истаги ва унга "Манчестер Юнайтед"дан қизиқиш билдиргани учун "Реал" Эрнандеснинг номзодини ўрганишга қарор қилди.

Франциялик футболчи 2017 йилдан 2019 йилгача "Лос-Бланкос"да ўйнаган. Эрнандеснинг клуб билан амалдаги меҳнат шартномаси 2026 йилнинг ёзига қадар тузилган.