"Ливерпуль" ҳужумкор ярим ҳимоячи сотиб олмоқчи. Бу ролга муносиб номзод излаб, "қизиллар" "Ноттингем" етакчиларидан бирига кўз тикишди.
"Ливерпуль" Морган Гиббс-Уайтга қизиқиш билдирмоқда, дея хабар беради Football Insider. Футболчининг амалдаги шартномаси 2027 йилнинг июнига қадар мўлжалланган.
Нуну Эшпириту Санту шогирдлари январ ойида англиялик футболчи учун ҳар қандай таклифни рад этиши кутилмоқда, бироқ ёзда "ўрмончиларга" фойдали таклиф тушса, 24 ёшли ярим ҳимоячини сотишдан бош тортиши қийинроқ бўлади.
Жорий мавсумда Морган Гиббс-Уайт 15 та ўйинда майдонга тушиб, 3 та гол ва 3 та голли узатмага муаллифлик қилган.
