"Ан-Наср" ҳужумчиси Криштиану Роналду ўзининг ўғли Криштиану-жуниорнинг салоҳияти ҳақида фикр билдирди.  

Роналду Netflix платформасидаги Саудия Арабистони лигаси ҳақидаги ҳужжатли фильмда иштирок этди. Ундаги эпизодлардан бирида Роналду 14 ёшли ўғлининг машғулотини кузатади.  

"Ростини айтсам, у яхши йигит. Уйдаги бошқалар билан ишлаш қийинроқ, айниқса кичиклари билан. Лекин у билан ҳеч қандай муаммо йўқ. Балки бошқалари билан...  

У менинг ёшимдаги ҳолатимдан баланд ва кучлироқ. Ўйлайманки, у мендан ҳам баланд бўлади", — деди Роналду агент Рикарду Регуфе билан машғулот пайтида суҳбатда.  

Бу суҳбат давомида Регуфе шундай деди:  
"Кўрамиз, у сизда бўлгандай иштиёқни намойиш эта оладими".

Роналду эса жавобан қўшиб қўйди:  
"Иштиёқ энг қийин нарса".