Антони KNVB ҳакамлик қўмитаси орқали "Аякс"дан тўлов талаб қилмоқда.
Algemeen Dagblad хабарига кўра, "Манчестер Юнайтед" вингери Премьер-лигага ўтишидан олдин Нидерландия клуби унинг маошидан ушлаб қолган пулни қайтариб олиш мақсадида Нидерландия Қироллик футбол уюшмасига мурожаат қилган.
Амстердам клуби бразилиялик футболчини "Аякс"нинг "манкунианликлар" билан музокара олиб бораётганидан норози бўлиб, машғулотларни ўтказиб юборгани учун уч марта жаримага тортди. Антони эса жароҳат олмаган бўлса-да, ўйинларнинг бирида иштирок этмади.
Футболчининг фикрича, уни пулидан маҳрум қилиш адолатсизлик бўлган. У олти ой олдин ҳакамлик қўмитасига мурожаат қилган ва шу ҳафта иккала томон иштирокида тинглов бўлиб ўтган.
Антонининг адвокати иш ёпилмагунча изоҳ беришдан бош тортди. Одатда ҳукм бир ой ичида чиқарилади.
