Клублар ўртасидаги Осиё чемпионатига қуръа ташлаш маросими 16 июнь, жума куни Малайзиядаги "Petaling Jaya Hilton Hotel" меҳмонхонасида ўтказилади.

Қитъа чемпионатида 8та жамоа иштирок этади. Мезбон сифатида Япония чемпиони "Нагоя Оушенс" ва мусобақанинг амалдаги ғолиби сифатида "Гити Пасанд" (Эрон) турнирда иштирок этишса, ўтган йилги турнир финалчиси "Ардус" ҳам тўғридан-тўғри Осиё чемпионати қатнашчиси ҳисобланади. 

Саралашдан ўтган 5та жамоа — Қатарнинг "Ас-Садд", Ливаннинг "Ас-Садақа", Таиланднинг "Чонбури Блювейв", Вьетнамнинг "Сон Нам" ва Хитойнинг "Нанлинг Тиеланг" клублари қитъа чемпионати иштирокчилари сафини тўлдиришади. 

Клублар ўртасидаги Осиё чемпионати шу йилнинг август ойида Японияда бўлиб ўтади.

Таиланднинг "Чонбури" клубига Ўзбекистон миллий терма жамоаси бош мураббийи Хосе Мария Мендез мураббийлик қилаётганини таъкидлаш лозим.