Мюнхеннинг "Бавария" клуби чап қанот ҳимоячиси Альфонсо Дэвис билан шартномани узайтириш борасида келишувга эришди. Бу ҳақда The Athletic нашри хабар бермоқда.
Футболчининг амалдаги шартномаси ёзда якунига етади.
Аввалроқ, "Бавария" ва Дэвис шартномани узайтириш борасида келиша олмагани ҳақида маълумотлар пайдо бўлганди. Альфонсо "Бавария"дан йилига 20 миллион евродан ортиқ маош ва шартномани узайтиргани учун катта миқдорда бонус талаб қилди.
Дэвис "Ванкувер"дан 14 миллион евро эвазига трансфер қилинганидан кейин 2019 йилнинг январидан бери Мюнхен клубида ўйнамоқда. Жорий мавсумда у 23 та ўйинда 1 та гол ва 3 та голли узатмани амалга оширди.
