"ПСЖ" 22 ёшли чап қанот ҳимоячиси Нуну Мендешга янги шартнома бўйича йилига 10 миллион евро маош тўлашдан бош тортмоқда ва бу португалиялик футболчининг клубдаги келажагига шубҳа уйғотмоқда. Бу ҳақда журналист Жамол ижтимоий тармоғида маълум қилди.
Манбага кўра, Мендешнинг ўзи 10 миллион евро маошга лойиқ деб ҳисобламоқда, агар клуб унинг молиявий талабларини қондирса, ҳимоячи "ПСЖ"да қолади. Айни пайтда 22 ёшли футболчига "Манчестер Юнайтед" ва "Ливерпуль" клублари қизиқиш билдирмоқда.
Жорий мавсумда Мендеш барча турнирларда 19 та ўйин ўтказиб, 2 та гол урди ва 2 та голли узатмани амалга оширди. Футболчининг клуб билан амалдаги меҳнат шартномаси 2026 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 55 миллион еврони ташкил қилади.
