"PSJ" 22 yoshli chap qanot himoyachisi Nunu Mendeshga yangi shartnoma bo‘yicha yiliga 10 million yevro maosh to‘lashdan bosh tortmoqda va bu portugaliyalik futbolchining klubdagi kelajagiga shubha uyg‘otmoqda. Bu haqda jurnalist Jamol ijtimoiy tarmog‘ida ma’lum qildi.
Manbaga ko‘ra, Mendeshning o‘zi 10 million yevro maoshga loyiq deb hisoblamoqda, agar klub uning moliyaviy talablarini qondirsa, himoyachi "PSJ"da qoladi. Ayni paytda 22 yoshli futbolchiga "Manchester Yunayted" va "Liverpul" klublari qiziqish bildirmoqda.
Joriy mavsumda Mendesh barcha turnirlarda 19 ta o‘yin o‘tkazib, 2 ta gol urdi va 2 ta golli uzatmani amalga oshirdi. Futbolchining klub bilan amaldagi mehnat shartnomasi 2026 yilning yoziga qadar tuzilgan. Transfermarkt portalida berilgan ma’lumotlarga ko‘ra, futbolchining bozor qiymati 55 million yevroni tashkil qiladi.
