"Манчестер Юнайтед" бош мураббийи Рубен Аморим жамоасининг "Брайтон"га (1:3) қарши ўйиндаги омадсизлигини тушунтирди.
"Бу аввалги ўйинларда кўрганимизга ўхшайди. Биз ўтказиб юбормаслигимиз керак бўлган голларни ўтказиб юбордик. Кейин ўйинчилар асабийлашгани учун тўпга эгалик қилишда қийналдик. Бундай гол ўтказиб юборсангиз, бирор нарсани ўзгартириш қийин.
Биз вазиятни тушунишимиз керак, шу билан бирга, "Манчестер Юнайтед"нинг тез-тез мағлубиятга учрашини қабул қилиб бўлмайди. Машғулотларга вақтимиз бўлмаса ҳам, биз ўзимизни яхшилашимиз керак, бу аниқ", деди Аморим.
