Мадриднинг "Реал" клуби Жошуа Киммихни сотиб олишга қизиқмаяпти.
Аввалроқ "Бавария" ярим ҳимоячиси Мадрид клуби билан алоқага чиққани ҳақида хабар берилганди.
"Marca" бу маълумотни рад этади. Манбага кўра, томонлар ўртасида музокаралар бўлмаган – футболчининг хизматлари бўйича ягона таклиф жавобсиз қолган. Мадридликлар 29 ёшли германияликни сотиб олишни режалаштирмаяпти.
Киммихнинг "Бавария" билан шартномаси жорий мавсум охиригача амал қилади.













