"Фулхэм" бош мураббийи Марко Силва "Манчестер Юнайтед"га (0:1) қарши ўйин ҳақида гапирди. Меҳмонлар 78-дақиқада Лисандро Мартинеснинг аниқ зарбаси эвазига ғалабани қўлга киритишди.
"Биз учун оғир, шафқатсиз натижа. Кўриниб турибдики, биринчи бўлимда ўйинни жамоамиз назорат қилган. Танаффусгача гол уриш учун етарлича вазиятлар яратдик. Иккинчи бўлим тенгроқ ўтди.
Голдан кейин “Юнайтед” ўз жарима майдончаси ичида бутун жамоаси билан ҳимояланди. Биз биринчи бўлимда ҳақиқатдан ҳам босим ўтказдик ва рақибларимизга ҳеч нарса қилишига имкон бермадик. Биз кучли жамоага қарши эдик, бироқ биз вазиятни назорат қилдик", — дейди Силва.
