"Бавария" спорт директори Макс Эберль жамоанинг 19 ёшли вингери Матис Телнинг кетиши мумкинлиги ҳақидаги хабарларга жавоб берди.
"Ҳа, Матис Тель кетмоқчи, шунинг учун биз барча вариантларни кўриб чиқамиз ва кейин нима қилишни ҳал қиламиз. Мен уни тушунаман", деди клуб директори.
Тель 2022 йилдан бери "Бавария"да ўйнаб келмоқда. Жорий мавсумда франциялик футболчи барча турнирлар доирасида 14 та ўйинда иштирок этди ва битта голли узатмани амалга оширди.