ПСВ ярим ҳимоячиси Жои Верман Чемпионлар лигасининг сўнгги турида “Ливерпуль” устидан қозонилган ғалабадан сўнг журналистлар билан суҳбатлашди. Учрашув 3:2 ҳисобида якунланди.
"Бизнинг рақибимиз "Ювентус" ёки "Фейеноорд" бўлиши мумкин. Олдинроқ туринликларга ютқазиб қўйгандик, шунинг учун ҳам реванш олмоқчимиз. Агар бу "Фееноорд" бўлса, бу ҳам ғалати, ҳам яхши бўлади", - дейди ярим ҳимоячи.
Чемпионлар лигасининг умумий босқичи якунларига кўра, ПСВ 14 очко билан турнир жадвалида 14-ўринни эгаллади. Клубнинг рақиби 31 январ куни бўлиб ўтадиган қуръа ташлаш маросимида аниқланади.
