"Манчестер Юнайтед" ярим ҳимоячиси Кобби Майну Европа лигаси доирасида ФКСБга қарши ўйинда ўзига хос тарзда эсда қолди.
60-дақиқада 19 ёшли англиялик Диого Далотга ассистентлик қилган бўлса, 68-дақиқада ўзи гол уриб, ҳисобни 2:0 кўринишига келтирди.
Opta хабарига кўра, Майну Уэйн Рунидан кейин халқаро турнирлардаги дебют учрашувида гол ва ассистентлик қилган биринчи "қизил иблислар" футболчисига айланди.
Афсонавий собиқ форвард 2004 йилнинг сентябрида бунга эришганди.