Мадриднинг “Реал” клуби ҳужумчиси Родриго рекорд сумма эвазига Саудия клубига ўтиши мумкин.
Саудия Арабистони чемпионатининг номи ошкор этилмаган вакили бразилиялик футболчининг трансфери учун 300 миллион евро тўлашга тайёр эди, деб хабар бермоқда журналист Эду Агирре.
24 ёшли футболчининг ўзига йилига 140 миллион евро маош таклиф қилишган, аммо у рад жавобини берган.
Охирги кунларда оммавий ахборот воситаларида тарқалган маълумотларга кўра, Родриго учун Саудия лигасига ўтиш варианти ҳамон долзарб бўлиб қолмоқда - кейинги ёзда янги таклиф келиши мумкин. “Қаймоқранглилар” форварди эса ҳалигача бу келишувга қизиқмаяпти.
