"Бавария" ярим ҳимоячиси Леон Горецка катта эҳтимол билан клубдаги сўнгги мавсумини ўтказмоқда.
29 ёшли футболчи мунтазам ўйин амалиётига эга эмас, шу боис клуб уни сотиш имкониятини анчадан бери кўриб чиқмоқда.
Bayern & Germany хабарига кўра, Горецканинг янги агентлари футболчи ёзда сотувга қўйилишини аллақачон билишган.
Шу билан бирга, манба таъкидлаганидек, томонлар ўртасида келишмовчиликлар йўқ, ярим ҳимоячи вазиятни мутлақо хотиржам қабул қилади. У таклифларни мақбул деб топса, уларни кўриб чиқади.