"Барселона" спорт директори Деку ҳимоячи Рональд Араухонинг келажаги ҳақида гапирди. Қишки трансферлар вақтида футболчи жамоани тарк этиши мумкинлиги ҳақида маълумотлар пайдо бўлди.

"Биз ҳеч қачон Рональд Араухони сотишни истамаганмиз. У бу ерда бахтли. Агар келажакда бирор сабабга кўра ўзгаришларга эҳтиёж туғилса, у бизга бу ҳақда айтиш имкониятига эга. Аммо у буни хоҳлайди деб ўйламайман, акс ҳолда у шартномани узайтирмаган бўларди," - деди Деку «Sport» нашрига берган интервьюсида.

25 ёшли уругвайликнинг шартномаси 2031 йилнинг ёзигача амал қилади.