Бразилиянинг "Сантос" клубига қайтган юлдуз ҳужумчи Неймар мавсум якунида МЛСга кўчиб ўтиши мумкин. Бу ҳақда инсайдер Хосе Альварес Хайининг ижтимоий тармоқлардаги саҳифасида маълум қилинди.

Бразилиялик футболчи фаолиятини давом эттириши мумкин бўлган вариант "Интер Майами" бўлиб, у ерда Лионель Месси, Луис Суарес, Серхио Бускетс ва Жорди Альба билан бирлашиши мумкин. Бунгача футболчилар биргаликда Каталониянинг "Барселона" жамоасида тўп тепишган.

Неймар "Сантос"га Саудия Арабистонининг "Ал-Ҳилол" клубидан эркин агент сифатида ўтди. Ҳужумчининг бразилияликлар билан меҳнат шартномаси 2025 йилнинг июнь ойи охиригача мўлжалланган.