Германия терма жамоаси ва Мюнхеннинг "Бавария" клуби собиқ футболчиси Лотар Маттеус вингер Жамол Мусиала билан тузилган янги меҳнат шартномаси ҳақида гапирди. Футболчи шартномасини 2030 йилнинг ўрталарига қадар узайтирди.
"Жамол нафақат "Бавария"нинг, балки бутун Германия чемпионатининг юзи. Бу йигитнинг Германия терма жамоаси учун катта амбициялари бор. Мусиала, худди Вирц сингари, тўғри йўлда", - дейди немис футболи афсонаси Sky Sport Germany.
Жорий мавсумда 21 ёшли вингер мюнхенликлар сафида 31 та ўйинда иштирок этди. Жамол 15 та гол урди ва 8 та голли узатмани амалга оширди.
