Сандро Тонали ёзда "Ювентус"га ўтиши мумкин.

"Ньюкасл" ярим ҳимоячиси аллақачон трансферга розилик берган, деб хабар беради Sport Mediaset. Дуглас Луис футболчилар алмашинуви доирасида Англияга кўчиб ўтиши мумкин.

Аммо Тонали учун "Ювентус"нинг келаси мавсумда Чемпионлар лигасига чиқиши муҳим.

Қайд этилишича, Турин клуби EЧЛга чиқа олмаган тақдирда янги трансферларни режалаштирмаяпти. "ПСЖ"дан ижарага олинган Рандал Коло-Муанининг келажаги ҳам жамоанинг турнирдаги иштирокига боғлиқ. "Ювентус" Чемпионлар лигасига чиқиш учун олинган маблағ эвазига форварднинг ижара муддатини 6 миллион еврога узайтириб, кейинчалик 45 миллион еврога сотиб олишни режалаштирмоқда.

Бундан ташқари, "Ювентус" EЧЛга чиқа олмаса, Кенан Йилдиз билан хайрлашиши мумкин.

Айни пайтда "Юве" А Серия турнир жадвалида 5-ўринни эгаллаб турибди. Чемпионлар Лигасига йўлланмани дастлабки тўртта жамоа қўлга киритади.