АҚШнинг Сиэтл шаҳрида бугун, 23 февраль тонгида бўлиб ўтаётган UFC Fight Night мусобақасида Прелим карднинг иккинчи жангида ўзбекистонлик аралаш якка кураш устаси Нурсултон Рўзибоев октагонга кўтарилди.

Унга америкалик UFC дебютанти Эрик Макконико рақиблик қилди. 3 раундга мўлжалланган жанг иккинчи раундда муддатидан аввал якунига етди. Ўзбекистонлик спортчи рақибига кетма-кет зарбалар йўллади. Вазиятга ҳакам аралашиб, жангни тўхтатишга мажбур бўлди.

Маълумот учун, Нурсултон Рўзибоев шу вақтга қадар UFCъда 3 та жангдан 2 тасида ғалаба қозониб, 1 та жангда эса имкониятни бой берган эди. Ушбу ғалабадан сўнг, унинг ғалабалари сони 3 тага етди.