AQSHning Sietl shahrida bugun, 23 fevral tongida bo‘lib o‘tayotgan UFC Fight Night musobaqasida Prelim kardning ikkinchi jangida o‘zbekistonlik aralash yakka kurash ustasi Nursulton Ro‘ziboyev oktagonga ko‘tarildi.
Unga amerikalik UFC debyutanti Erik Makkoniko raqiblik qildi. 3 raundga mo‘ljallangan jang ikkinchi raundda muddatidan avval yakuniga yetdi. O‘zbekistonlik sportchi raqibiga ketma-ket zarbalar yo‘lladi. Vaziyatga hakam aralashib, jangni to‘xtatishga majbur bo‘ldi.
Ma’lumot uchun, Nursulton Ro‘ziboyev shu vaqtga qadar UFC’da 3 ta jangdan 2 tasida g‘alaba qozonib, 1 ta jangda esa imkoniyatni boy bergan edi. Ushbu g‘alabadan so‘ng, uning g‘alabalari soni 3 taga yetdi.
