Angliya Liga kubogi 1/16 finalida «Manchester Siti» o‘z maydonida «Norvich»ni qabul qildi. «Etihad» stadionida o‘tkazilgan uchrashuvda mezbonlar 5:0 hisobida ishonchli g‘alabaga erishdi.
29-daqiqada «Manchester Siti»ning 17 yoshli tarbiyalanuvchisi Floyd Samba hisobni ochdi. Asosiy tarkibda maydonga tushgan futbolchi braziliyalik yangi futbolchi Allanning uzatmasidan so‘ng gol urdi.
32-daqiqada hujumkor yarim himoyachi Rayan Sherki «Siti»ning ustunligini ikki karra oshirdi. 48-daqiqada esa Allanning o‘zi gol urib, hisobni 3:0ga yetkazdi.
54-daqiqada Samba yana bir bor raqib darvozasini ishg‘ol qilib, dubl qayd etdi. 90-daqiqada hujumchi Rayan Makaydu yakuniy hisobni o‘rnatdi — 5:0.
Shu tariqa, «Manchester Siti» Angliya Liga kubogi 1/8 finaliga yo‘l oldi, «Norvich» esa musobaqani tark etdi.
Mazkur o‘yinda Abduqodir Husanov asosiy tarkibda mayonga tushib, bahs oxirigacha to‘liq harakat qildi.
Keyingi bosqichda Enso Mareska shogirdlari «Brayton»ga qarshi maydonga tushadi.
Angliya — Liga kubogi, 1/16 final
17 sentyabr, Manchester, «Etihad» stadioni
«Manchester Siti» — «Norvich» — 5:0
Gollar: Samba, 29 (Allan uzatmasi) — 1:0; Sherki, 32 — 2:0; Allan, 48 — 3:0; Samba, 54 — 4:0; Makaydu, 90 — 5:0.
