"Реал" ўз майдонида Ла Лиганинг 25-турида "Жирона"ни мағлуб этди - 2:0.
Бўлимларнинг ҳар бирида голларга Лука Модрич ва Винисиус Жуниор муаллифлик қилди. Бразилияликнинг голига Килиан Мбаппе ассистентлик қилди.
"Реал" Ла Лигада учта ўйиндан иборат ғалабасиз сериясига (2 дуранг ва 1 мағлубият) барҳам берди. Карло Анчелотти жамоаси очколарини 54 тага етказиб, ла лига турнир жадвалида "Барселона"га етиб олди. "Реал" қўшимча кўрсаткичлар бўйича каталонияликлардан кейин иккинчи ўринда бормоқда.
"Жирона" кетма-кет учинчи ўйинда мағлуб бўлди. Мичел жамоаси 31 очко билан 12-поғонадан жой олган.
