Ўзбекистон ўсмирлар (U16) терма жамоаси Бокудаги "Каспий кубоги-2013"да 12та жамоа ичида 6-ўринни эгаллади. Олимхўжаев шогирдлари бугун АҚШга қарши 5-ўрин учун баҳсида иштирок этишди ва 2:5 ҳисобида имкониятни бой беришди.

Ўйиннинг биринчи бўлими америкаликларнинг кичик устунлиги остида ўтди ва дастлабки 40 дақиқалик 2:1 ҳисобида якунланди. Иккинчи бўлим бошида вакилларимиз ҳисобни тенглаштиришди, аммо 5 дақиқа ичида ўз дарвозаларидан 3та гол ўтказиб юборишди.

Натижада АҚШ 5, Ўзбекистон 6-ўринни эгаллади. Уругвай эса Болгарияни 3:2 ҳисобида енгиб, 7-ўринни банд этди.

Эслатиб ўтамиз, худду шу мусобақада ўтган йили Дилшод Нуралиев бошчилигидаги терма жамоа 3-ўринни қўлга киритганди.