"Бавария" ва Лерой Сане ҳали янги шартнома шартлари бўйича келишиб олишмаган.
Вингернинг амалдаги шартномаси келаси ёзда тугайди ва томонлар яқинда янги музокаралар олиб боришди.
Миш-мишларга кўра, клуб Саненинг маошлар талаби туфайли унинг шартномасини узайтирмоқчи эмас. Спорт директори Макс Эберль бу маълумотни рад этди.
"Бу ҳақиқат эмас. Ҳозирча Лерой бўйича қарор йўқ. Унинг сўнгги ўйинлари шартномани узайтириш учун аргументдир.
Якуний қарор қабул қилинишидан олдин биз кўплаб омилларни ҳисобга олишимиз керак, аммо Сане ҳам бошқалар каби янги шартнома олиш имкониятига эга", - дея функционернинг сўзларини келтиради Bayern & Germany.
