"Арсенал" бош мураббийи Микель Артета "Челси"га қарши (1:0) Англия Премьер-лигасининг 29-турида ярим ҳимоячи Микель Меринонинг ҳужумчи сифатидаги ўйинини юқори баҳолади.
Ягона голга испаниялик муаллифлик қилди.
"Биз буни тушунамиз, бу ҳозирда фавқулодда вазият эди, лекин унинг ёндашуви ақл бовар қилмайдиган ҳолат.
У ҳамма нарсани ўрганишни хоҳлайди, у доимо ўз устида қаттиқ ишлайди, бироқ у ҳаётида ҳеч қачон бу позицияда ўйнамаган.
Бу катта ўйин ва якунда ўша гол эвазига ғалаба қозондик. У яна бир катта имкониятга эга бўлди, шунинг учун мен унинг ўйинга қўшган ҳиссасидан жуда мамнунман", - дея Артетанинг сўзларини келтиради клуб расмий сайти.
