Рафинья Бразилия терма жамоасининг жаҳон чемпионати саралашида Колумбия устидан қозонган ғалабаси ҳақида ўз фикрлари билан ўртоқлашди.
28 ёшли вингер Колумбияга (2:1) қарши ЖЧ—2026 саралаш босқичи доирасидаги Жанубий Америкага қарши ўйинда пенальтини аниқ амалга оширди ва ҳал қилувчи голга ассистентлик қилди. Жамоа 13 учрашувда 21 очко жамғариб, турнир жадвалида иккинчи ўринга кўтарилиб олди.
"Бу ғалаба нафақат футболчиларга, балки бизнинг ходимлар ва мухлисларга ҳам керак эди. Бу ғалаба барчага ўзига ишонч бағишлаши керак эди. Менимча, бу жамоага керак бўлган бурилиш нуқтаси эди.
Ўтмишда содир бўлган воқеалар ҳақида кўп ўйламаслигимиз керак. Асосийси, келажакка, бизни олдинда нима кутаётганига эътибор қаратиш.
Бугунги ўйин тугади. Энди Аргентинага қарши ўйин ҳақида ўйлаб, ғалаба қозониш учун яхши тайёргарлик кўришимиз керак", - деди Бразилия терма жамоаси ва "Барселона" футболчиси.
