Аргентина терма жамоаси ЖЧ-2026 саралаш баҳсида Бразилияни мағлуб этди - 4:1. Ўйин Буэнос-Айресдаги "Монументал" стадионида бўлиб ўтди.
4-дақиқада аргентиналик ҳужумчи Хулиан Альварес ҳисобни очган бўлса, 12-дақиқага келиб аргентиналиклар икки тўп фарқи билан олдинга чиқиб олишди - Энцо Фернандес гол урди. Биринчи бўлим ўрталарида бразилияликлар битта голни ортга қайтаришди – Матеус Куня гол урди. Бироқ танаффусгача Алексис Макаллистер гол урганлиги сабабли мезбонлар яна икки тўп фарқи билан олдинга чиқиб олди. Танаффусдан кейин Жулиано Симеоне ҳисобни йирик кўринишга олиб келди.
Аргентиналиклар 31 очко тўплашди ва финал босқичига йўл олишларини кафолатлашди. Бразилияликлар 21 очко билан турнир жадвалида 4-ўринда бормоқда.
