Аргентина терма жамоаси ярим ҳимоячиси Леандро Паредес Бразилия устидан қозонилган 4:1 ҳисобидаги ғалабадан сўнг Рафинья Диаснинг сўнгги баёнотига изоҳ берди.
"Барселона" футболчиси гол уришга ваъда берди, бироқ ўзини кўрсата олмади.
"Майдонда буни исботлай олмасангиз, жим бўлганингиз маъқул. Рафинья буни айтиши билан жамоамиз чатида унинг сўзлари пайдо бўлди. Биз ҳамма нарсани майдонда исботладик", - деди Паредес.
Саралаш гуруҳида Аргентина 31 очко билан пешқадамлик қилмоқда. Бразилия ўн очко ортда қолмоқда ва тўртинчи ўринни эгаллаб турибди.
